لا ردك الله لا ولا اطلب ترديــن ......ادعي عليك بعثرة فـي صلاتـــــــي
عثره تشلك ما بعدها تقوميـن ......يا قاتلتني يوم صرتي حياتــــــــي
كنتي مناة القلب والروح والعين ....واليوم عينك يعلها ما تباتـــــــــي
كنت أحسبك للعهد والحب توفين ..قلتي الغدر بالحب ماهي بسواتــي
وحلفتي يمين الله ما منك اثنتين.......وانك ملاك دون كل البناتـــــــي
وانك على عهد المودة تسيرين ....ولا تسمعين أهل الحسد والوشاتـي
وصار اليمين ستار خلفه توارين .......ورماح غدرك بالخفا مشرعاتـــي
وبان الغدر سم جرى بالشرايين ......الله عسى يسقيك سم الفعاتــــي
كلي سقيتك حب واليوم تنسيـن........تقولين حلم ايام واليوم فاتــــــي
رسمتك سحابه خير قطر تنفين .........فزت لك الصحراء زهور ونباتـــي
رسمتك مهاه للجميله تقودين .............واثرك قطيعه وضيعتها الرعاتـي
واثرك غراب يوم سدل الجناحين ......كنت احسب اني شايف لي قطاتي
بالشعر غليتك على كل غاليين ...........واثرك دنيه وتعشقين الدناتـــي
توسلت لك خايف على حب عامين .......عامين لكن في حسابي مئاتــي
وخنتي وبعتي كل عهد وايامين ............ما عاد يفرق بين ماضي واتي
صبري نفذ واليوم ثارت براكين .............مظلوم انا وباكر تحل ادعواتي
سمعي عسى من بعدها ما تسمعين ...سمعي دعا من صار قلبه حصاتي
ادعي عسى من ناضرك ما تشوفين ......وتطحن بك الايام طحن الرحاتي
ويالله عسى كف الندامه تعضين ..............تندمين يوم انه يفوت الفواتي
وتبكين دم يسيل من مقلة العين .............وتحتار امك عن عناك وتحاتي
ويالله عسى يحتار فيك المداوين ...........تبين الممات ولا يجيك المماتي
يا بنت قلبي وين مثله تلاقين .................قلبا عطاك الحب ما قال هاتي
جيتك وروحي شلتها لك بكفين ............وفي التاليه رمح الخيانه جزاتي
يالله عساك النار يا أم وجهين ................كله انكشف لا ما تفيد العباتي
ويالله عسى تلبسك جن وشياطين .....وتكونين مدعاة الحكي والشماتي
يا حية رقطا تقود الثعابيــــــن .........باكر تحن ايامك المعتمـــاتي
وباكر على فعلك بمثله تجازين ..............ظلم المشاعر ما تحكمه قضاتي
بيني وبينك تحكم ايام وسنين ............وانا شاهدي قلبا من الغدر ماتي
ويا دمعة العين لالا تذرفين .................العيون رغم ادموعها كاذباتي
الذيب يعوي قبل يغدر بمسكين ........وانتي غدرتي خافقي في سباتي
لو كان غدرك في كفوف الموازين ......لكان رجح كل غــــــــــدر البناتي
انتي السبب سقتي على القلب جرحين....... غدر الغرام وموجع الذكرياتي
وانتي السبب واليوم لالا تلومين ....... وان جاك باكر شوفي اشلون يأتي
والله لاكتب وافضحك في دواوين .........وارقص واغني يوم خبر الوفاتي
وارسم لاهل العشق قلبا وسهمين ............وقصة خيانه ما روتها الرواتي
ويمين لانشر فوق اسمك عناوين ........واشهرك من قاصي اليمن للفراتي
ومن غرب هالدنيا الى قاصي الصين .....ديوان غـدر فيه كل اللغـــــــاتي
والبادي اظلم سنة العين بالعين .............والا فذي لا عادتي ولا صفاتي
ويا شبه انسانه برأس ورجلين .............اعوذ بالرحمن منك بصـــــــلاتي
وربي غصب عني جبت هالقصيدة لاني تقريباُ كل يوم اقرآآآآها
تــحــيــآتـي
![[♥] عـضو جـديد [♥]](https://2img.net/i/itest/ranks/default/default2.gif "[♥] عـضو جـديد [♥]")
الأحد يناير 18, 2009 4:24 am
